PARC YNNI BAGLAN - CYSYLLTIADAU LLWYDDIANNUS

Mae popeth yn ei le ym Mharc Ynni Baglan i sicrhau llwyddiant i ddeiliaid gan gynnwys: gweithlu ar gael gyda sgiliau priodol: tir ar gyfer datblygiadau pwrpasol; rhaglen ddatblygu barhaus i ffatrïoedd gyda lle i ehangu; mynediad a lleoliad di-ail; potensial i arbed arian ar
gostau ynni.

	Mae gweithlu gyda sgiliau addas ar gael, ar gyfer gwasanaethau a gweithgynhyrchu, gyda chysylltiadau cryf â phrifysgolion a sefydliadau hyfforddi lleol. Mae rhyw 1.3 miliwn o bobl yn byw o fewn cyrraedd mewn car ac mae hanes hir o weithio sifftiau yn yr ardal.
	Mae rhyw 72 hectar (177 erw o dir) ar gael i'w datblygu ar unwaith, ac mae isadeiledd yn ei le mewn sawl man. Ceir rhaglen o ddatblygu menter ar waith. Ceir dewis o dir i'w werthu neu i'w osod ar brydles gydag opsiynau dylunio ac adeiladu. Mae prisiau tir yn gystadleuol iawn ar £60,000 yr erw (£14,800 yr hectar).
	Gall buddsoddwyr fanteisio ar y lefel uchaf o gymorth gan y Llywodraeth am fod hon yn ardal Amcan Un yr UE sy'n gymwys i dderbyn cymorth Graddfa 1 o Ewrop.
	Am fod Bae Baglan yn gartref i bwerdy adnabyddus GE, gallai deiliaid arbed arian gweithredu drwy gysylltu â'r darparwr trydan i'r safle, gan osgoi'r costau trosglwyddo a chyflenwi a geir ar safleoedd eraill. Mae cynilion potensial ar gostau ynni o hyd at 30%.

	Mae cysylltiadau ardderchog â'r safle:
		300 metr o Gyffordd 41 o'r M4, sy'n ei gysylltu yn uniongyrchol â Llundain, Canolbarth Lloegr a'r Cyfandir;
		Mae Maes Awyr Rhyngwladol Caerdydd o fewn 45 munud i'r parc mewn car.
		Mae'r llinell reilffordd genedlaethol yn rhedeg wrth y Parc ac mae cyfleusterau ar gael i greu man aros ar y safle;
		Saif dociau Abertawe a Phort Talbot gerllaw;